2084 fundi i botes

Përshkrimi

Ishte i tmerruar nga ideja se mos arrinin ta dyshonin, se mos zbulonin se ai ishte një… ai nuk guxonte të shqiptonte fjalën… i pafe. Ai nuk e kuptonte dot, këtë dreq fjale, nuk arrinte ta shqiptonte dot nga frika se mos ajo materializohej, pasi siç dihet gjykimi i shëndoshë ndërtohet pikërisht mbi gjëra të zakonshme të cilat përsëriten pa i menduar… i Pa…fe, ky ishte një abstraksion qartazi i gënjeshtërt, kurrë, realisht kurrë, në Abistan, nuk kish pasur kurrfarë detyrimi ndaj kujtdo të besonte dhe kurrë asgjë nuk ishte tentuar për të pasur aderimin e tij të sinqertë, njeriut thjesht i imponohej sjellja e besimtarit të përsosur, kaq ishte e gjitha. Asgjë në të folur, në qëndrim apo në zakone nuk duhej ta dallonte atë nga portret-roboti i besimtarit të përsosur, i konceptuar prej Abit ose prej ndonjë mëkëmbësi të frymëzuar nga Vëllazëria e Drejtë i ngarkuar me indoktrinimin