Amari dhe Vëllezërit e Natës

Përshkrimi

Amari dhe Vëllezërit e Natës – B.B Alston Amari Peters nuk resht së besuari që vëllai i saj i zhdukur, Kuintoni, është ende gjallë. As kur policia thotë të kundërtën apo kur hyn në telashe duke u përballur me ata që i thonë se ai ka ikur një herë e mirë. Prandaj, kur gjen një valixhe të pazakontë në depo, me një ftesë për të marrë pjesë në një konkurs në Byronë e Çështjeve të Mbinatyrshme, i mbushet mendja që, kjo organizatë e fshehtë ka çelësin e vendndodhjes së Kuintonit por, më parë, duhet të besojë se ekzistojnë edhe magjistarët, zanat, alienët dhe krijesa të tjera të mbinatyrshme. Tani, duhet të konkurrojë kundër fëmijëve që e kanë njohur magjinë prej kohësh. Pavarësisht përpjekjeve, Amari nuk i shpëton dot dyshimit dhe vëzhgimit të tyre, sidomos kur talenti i saj gjithnjë në rritje për të mbinatyrshmet cilësohet si “i paligjshëm”. Me një magjistar të lig që kërcënon botën e mbinatyrshme dhe shokët e klasës që e kujtojnë si armike, Amari ndihet tepër e vetmuar. Por, nëse nuk e kalon dot provën, nuk ka për ta zbuluar kurrë se ç’ka ndodhur me Kuintonin.