Antikitet – Hanna Johansson

Përshkrimi

Në një ishull grek plot bukuri të lashtë, një grua e vetmuar, në të tridhjetat, përmbys marrëdhënien mes një nëne dhe së bijës adoleshente. Dëshira epshore dhe admirimi për Helenën, një artiste elegante dhe më të madhe në moshë, e sjellin rrëfimtaren pa emër të Antikitetit në Ermoupoli, ku e bija e Helenës, Olga, në fillim i duket pengesë dhe bezdi. Por forcat e paparashikueshme të egos dhe të dëshirës marrin kontrollin, duke e shtyrë rrëfimtaren tonë drejt një udhe më të rrezikshme dhe duke shtrembëruar rolet e dashurueses e të së dashurës, të fëmijës e të së rriturës, të së huajës e të së afërmes. Me kalimin e muajve, rrjeta e brishtë që lidh tri gratë i afrohet këputjes dhe pasojat ogurzeza të pleksjes së marrëdhënieve të tyre përvijohen në horizont, përtej një vere që duhet të marrë fund. Me jehona të Vdekjes në Venecie, Më thirr me emrin tënd dhe Dashnorit, por krejt origjinal e bashkëkohor, Antikitet hulumton thellësitë e kujtesës, bukurisë, moralit dhe rrëfimeve që i japin rend përvojës sonë të botës.