Apelimi

Përshkrimi

Apelimi – John Grisham POLITIKA KA QENË GJITHMONË NJË LOJË E NDYRË. TANI EDHE DREJTËSIA E TILLË ËSHTË. Në Misisipi, në një sallë gjyqi të mbushur plot e përplot, juria merr një vendim tronditës kundër një kompanie kimike, që akuzohet për derdhjen e mbeturinave toksike në rrjetin e furnizimit me ujë të një qyteti të vogël, çka shkakton përqendrimin kanceroz më të madh në histori. Kompania apelon në Gjykatën e Lartë të Misisipit. Nëntë gjykatësit e saj mund ta miratojnë ose ta anulojnë atë. Cilët janë të nëntët? Si do të votojnë ata? A mund të zëvendësohet ndonjëri, para se çështja të vendoset përfundimisht? Kompania kimike është pronë e një grabitqari në Uoll Strit, që quhet Karl Trudo. Dhe zoti Trudo është i bindur se gjykata nuk është në anën e tij. Duke qenë përpara zgjedhjeve të gjyqësorit, ai vendos të blejë një post në gjykatë. Kostoja është disa milionë dollarë, një pikë uji në oqean për një miliarder si zoti Trudo. Përmes një rrjeti të ndërlikuar komploti dhe mashtrimi, agjentët e tij rekrutojnë një kandidat të besuar. Ata e financojnë, e manipulojnë, e blejnë dhe e përgatisin atë si një gjykatës të mundshëm të Gjykatës së Lartë. Pra, gjykatësin e tyre të Gjykatës së Lartë. Apelimi është një histori e fuqishme dhe tronditëse e kohës sonë, që tregon për intrigën politike dhe juridike.