Arti i të pasurit gjithmonë të drejtë

Përshkrimi

Është një traktat therës dhe sarkastik i shkruar nga filozofi gjerman Arthur Schopenhauer. Në të, Schopenhauer shqyrton gjithsej tridhjetë e tetë metoda për të mposhtur kundërshtarin në debat. Ai e nis esenë me idenë se filozofët janë përqendruar gjerësisht në rregullat e logjikës, por nuk janë marrë (veçanërisht që nga koha e Immanuel Kant-it) me artin më të errët të dialektikës, të polemikës. Ndërsa qëllimi i logjikës thuhet tradicionalisht se është një metodë për të arritur tek e vërteta, dialektika, sipas Schopen-hauer-it,”… nga ana tjetër, do të trajtonte ndërveprimin midis dy qënieve racionale, të cilat, për shkak se janë racionale, duhet të mendojnë njësoj, por që sapo ndalojnë së rëni dakord si dy orë që mbajnë saktësisht të njëjtën kohë, krijojnë debat, ose një garë intelektuale”.