Becoming – Te behesh

Përshkrimi

Portreti intim dhe mbresëlënës i gruas që frymëzoi botën “Ka ende shumë gjëra që nuk i di për Amerikën, për jetën, për atë çka e ardhmja mund të të sjellë. Por njoh mirë veten time.” Në autobiografinë e saj thellësisht personale, Michelle Obama na njeh me rrënjët e saj. I ati, Fraser-i, e mësoi të punonte fort, të qeshte shpesh dhe ta mbante fjalën, ndërsa e ëma, Marian-a, e mësoi të mendonte me kokën e saj dhe ta përdorte zërin e saj. Së bashku, në apartamentin e tejmbushur të Anës Jugore të Çikagos, ata e ndihmuan të zbulonte vlerat në historinë e saj dhe në historinë e madhe të Amerikës—edhe atëherë kur ajo nuk është e përsosur. Kur ishte vetëm një vajzë e vogël, e gjithë bota e saj ishte e mbyllur aty, ku luante me të vëllanë, Craig-un. Por shumë shpejt jeta e çoi tepër larg: nga sallat e Princeton-it, ku mësoi për herë të parë se çfarë nënkuptonte të ishe e vetmja grua me ngjyrë në dhomë, deri te rrokaqielli ku punoi si avokate e fuqishme tregtare. Pikërisht aty, një mëngjes vere, një student i Juridikut me emrin Barack Obama hyri në zyrën e saj dhe ia shpartalloi të gjitha planet. Në këtë libër, për herë të parë, ajo përshkruan fillimet e martesës, vështirësitë për të gjetur një ekuilibër mes karrierës, familjes dhe ngjitjes së vrullshme të të shoqit në politikë. Ajo na zbulon debatet e tyre lidhur me mundësinë për të konkurruar për presidencën, si dhe popullaritetin e kritikat që morën përgjatë fushatës. Me finesë, sens humori dhe një sinqeritet të pazakontë, Becoming përshfaq gjithë jetën e një familjeje që, krejt befasisht, u ndodh nën dritat e projektorëve, duke reflektuar mbi tetë vitet më domethënëse në Shtëpinë e Bardhë.