Bija e errësirës

Përshkrimi

Unë nuk jam një nënë natyrale, i thotë vetes Leda, një mësuese e letërsisë angleze, e cila jeton në Firence, një grua e divorcuar prej kohësh dhe një nënë e përkushtuar ndaj dy vajzave të saj. Ajo ndjehet e çliruar dhe e qetë, kur të bijat nisen për në Kanada dhe nga hija e çadrës së saj këqyr një familje të lumtur që e ka ndeshur qysh ditët e para aty. Leda njihet me Ninën, nënën e një vajze të vogël, Elenës, nga ku nis e kupton se vetë ajo nuk ka qenë një nënë dhe aq e mirë, ngaqë për shkak të karrierës, nuk i ka dhënë dashuri të mjaftueshme të bijave, madje nuk ka qenë një bijë dhe aq me fat në raport me nënën e saj. Një fill i gjatë të papriturash do ta ndjekin marrëdhënien e njohjes së saj me familjen e re, befasi që do të bien edhe mbi vajzën e vogël, Elenën, dhe do t’i kthejnë pushimet e tyre në në histori tronditëse dhe prekëse, të atillë që të nxit me ankth nëpër faqet e këtij rrëfimi të mrekullueshëm, që vetëm një shkrimtare si Elena Ferrante di ta shkruajë. Gratë e kësaj historie bartin thelbin e jetës së përdithsme mes të qenit nëna e vajza të dikurshme, me trazime të tilla, që ende i diktojnë jetët e tyre.