Biologjia e Thelluar e Pemeve Frutore (MND) – Dr. Endrit Kullaj

Përshkrimi

Me poshte eshte pershkrimi i librit ‘Biologjia e Thelluar e Pemeve Frutore’ Ky cikël leksionesh synon të trajtojë në mënyrë mjaft të përmbledhur aspekte të biologjisë së kultivimit të pemëve frutore, në veçanti ato farore (molla e dardha). Biologjia e një bime që i nënshtrohet një teknologjie kultivimi të caktuar, në këtë rast pemët frutore, ndryshon mjaft nga ajo e një peme frutore të rritur në mënyrë spontane. Ky cikël leksionesh (pjesë e një moduli që vazhdon me leksione me të tjera leksione për bërthamoret, hardhinë, agrumet e ullirin nga të tjerë pedagogë), është përpiluar në një kohë relativisht të shkurtër për tâ€i ardhur në ndihmë studentëve të Master Niveli II në Hortikulturë; rrjedhimisht mund të bartë pasaktësi dhe prandaj nuk mund të citohet. Shpresojmë në sugjerime dashamirëse! Këto leksione synojnë të jetë një referencë gjithëpërfshirëse mbi të gjithë aspektet pomologjike në nivelin e organit, pemës dhe pemtores. Ai përmban informacion të nivelit të thelluar për biologjinë e shtimit, rritjes së rrënjës dhe trupit të pemëve, efektet e nënshartesës, zhvillimin e kurorës në raport me projektimin e pemtores, lulëzimin, pjalmimin, formimin e rritjen e frutit, faktorët e cilësisë së frutit, dhe ruajtjen e cilësisë gjatë ruajtjes. Këtu trajtohen gjithashtu ushqimi mineral, marrëdhëniet ujore dhe ujitja, etj. Si autorë jemi përqëndruar në shtjellimin sa më të gjerë të ndërveprimeve midis mjedisit dhe fiziologjisë së pemëve frutore. Edhe pse leksionet i adresohen studentëve të nivelit MASTER NIVELI 2 dhe atyre që kryejnë studimet për mbrojtjen e doktoraturës në pemtari, besojmë se është një referencë e çmuar edhe për specialistët e pemtarisë, punonjësit e shërbimit këshillimor, specialistët e përmirësimit gjenetik si dhe për studentë të pemtarisë e hortikulturës.