Dasmoret

Përshkrimi

Një mbërritje e papritur, një dasmë madhështore dhe shansi i dytë për jetën Është një ditë e mrekullueshme në Njuport, Rod Ajlend, kur Fibi Stoun mbërrin në hotelin luksoz Cornwall Inn, e veshur me një fustan elegant mëndafshi, në ngjyrë të gjelbër dhe këpucë me taka ngjyrë ari, pa as edhe një çantë me vete. Të pranishmit në hollin e hotelit, që janë të gjithë të ftuar në një dasmë, e pandehin menjëherë si njërën prej dasmorëve. Mirëpo F ibi s’ka asnjë lidhje me dasmën. Ajo ka ardhur sepse prej vitesh ëndërron që të kalojë disa ditë aty. Në ëndrrat e saj, ajo pinte kokteje me të shoqin, duke soditur perëndimin. Tani, k rejt fillikat dhe në pikën më të dëshpëruar të jetës, ka vendosur ta përkëdhelë veten për herë të fundit, e bindur se ky është fundi i rrugëtimit të saj. Ndërkaq, nusja është përgatitur me detaje për çdo pengesë të mundshme në festimet që pritet të zgjasin një javë të tërë—me përjashtim të Fibit dhe vendimeve të saj të paparashikueshme. Planet krejtësisht të kundërta që kanë, do t’i detyrojnë të dyja gratë të flasin dhe të njihen thellësisht me njëra-tjetrën. E kështu, pak nga pak, rastësia e vogël e një rezervimi në hotelin e dasmorëve do të kthehet në një nga mundësitë më të mëdha shëruese që ofron jeta.