David Brainerd, jeta dhe ditari i tij

Përshkrimi

Ditari i mbajtur nga David Brainerd, një misionar tek Indianët e Amerikës së Veriut, është një nga historitë më të mëdha të lutjes triumfuese. Te ky libër shohim një njeri të prekur nga tuberkulozi, që pavarësisht nga dhimbja e tij, ai punoi në rrethana shumë ekstreme. Në ditar, ai flet sesi predikoi për një vit dhe asgjë nuk ndodhi. Ndërkohë që gjatë gjithë këtij viti, kaloi orë të pallogaritshme në lutje. Brainerd përshkruan disa nga ato kohë të lutjes fitimitare: “Unë luftova për tetë orë sot, por për tre orët e para nuk kishte gjë tjetër veçse luftë”. Më pas, ai do të tregonte se pas shumë agonie, Perëndia erdhi. Ai tregoi se ç’do të thotë të luftosh, të triumfosh dhe të depërtosh për te Perëndia. Kjo është përgjigjja për fuqinë e Perëndisë. Kjo është ajo që Jezusi tha: “Dhe gjithçka të kërkoni në lutje, duke pasur besim, do ta merrni”.