Demiani

Përshkrimi

Jeta e çdo njeriu është rrugëtimi i tij drejt vetes, përpjekja e një udhe, treguesi i një shtegu. Asnjë njeri nuk ka qenë kurrë tërësisht vetvetja; megjithatë, gjithkush përpiqet të bëhet një herë i tillë: budalla apo i mençur qoftë; secili, gjithë sa mundet. Çdo njeri mbart me vete deri në fund mbetjet e lindjes së tij: lëngje sekrecionesh dhe lëvozhga vezësh të një bote të lashtë. Disa nuk bëhen kurrë njerëz, mbeten bretkosa, mbeten hardhuca, mbeten milingona. Disa janë njerëz në bel e lart dhe peshq poshtë. Por të gjithë janë përpjekje të natyrës në drejtim të njeriut.