Deshmitarja e zjarrit

Përshkrimi

Një dhunë e verbër dhe shpirtrat që shohin në errësirë Shpesh, veprat letrare më misterioze dhe shqetësuese vendosen në kolegje apo në vende ku jetojnë adoleshentë me probleme, dhe “Deshmitarja e zjarrit” nuk bën përjashtim. Ngjarjet e këtij trilleri drithërues zhvillohen në një strehë të veçantë për vajzat problematike, në Shtëpinë Birgita. Aty ku duhej të mbretëronte qetësia dhe ekuilibri—në një ambient me qilima, orendi normale, dyer të hapura dhe pa alarme—shpërthen papritur një dhunë e verbër dhe e tmerrshme. Misteri e vdekja mbështjellin strehën sa hap e mbyll sytë: Miranda, njëra prej vajzave, gjendet e shtrirë në një pellg gjaku; Viki ia ka mbathur e gjakosur; kurse infermierja Elizabetë gjendet e masakruar. Përse kaq shumë dhunë brenda atyre mureve në dukje paqësore? Përgjigjet mund të vijnë nga shumë larg. Flora, një dyzetvjeçare e shfrytëzuar dhe thellësisht e palumtur, e cila mbart plagët e braktisjes në fëmijëri, përpiqet të fitojë jetesën duke u shtirur si medium. Por ajo do të zbulojë se me të vërtetë ka një dhunti të rrallë: aftësinë për të “parë” gjërat. Megjithëse t’i bëjë të tjerët ta besojnë duket e pamundur, ka dikush që ia vë veshin: detektivi Jona Lina. Jona nuk është njeriu i përgjigjeve të lehta. Këto hetime do ta çojnë atë në një territor jashtëzakonisht të errët e të dhunshëm, duke shkaktuar përballje tronditëse edhe me vetë të kaluarën e tij. Për këtë vepër, kritika suedeze ka paralajmëruar lexuesit: “Lars Kepler ka shkruar një histori tronditëse. Një triller që të rrëmben si rryma e ujit me të cilën protagonistët do të ndeshen disa herë. Një roman që lexohet si në jerm, nga i cili herë pas here vjen në vete për të marrë frymë, por me dëshirën për t’u zhytur përsëri në historinë e ndërlikuar, misterioze, të errët.” — Dagens Nyheter Një lexim që do t’ju lërë pa frymë. Porositni kopjen tuaj so t.