Ditar(1942-1944)

Përshkrimi

Tajar bej Zavalani (1903-1966) njihet si publicist, përkthyes dhe shkrimtar shqiptar. Disa nga përkthimet e tij janë: “Sonata e Krojcerit” dhe “Ana Karenina” të Tolstojit, “Novelat” e Çehovit, “Nëna” e Gorkit, “Zonja me kamelje” e Alekasandër Dymas – të birit, “Tartarini e Taraskoni” të Alfons Dodesë, “Gobsekun” e Balzakut etj. Shkroi librin “Histori e Shqipnis”. Megjithatë, Sylejman Pireva shprehet se figura e Zavalanit do të njihet më së miri përmes “Ditarit” të tij në gjuhën shqipe , ku mbase për herë të parë arrijmë ta njohim shumë më mirë personalitetin e tij, për jetën dhe angazhimin gjatë kohës sa ishte në ekzil së bashku me grupin e “aparatit” të mbretit Zogu, për raportet e drejtpërdrejta me të dhe me njerëzit e “kabinetit” të tij, emra të njohur për veprimet e tyre. Aq më tepër mund të njihet në pjesën e dytë të librit: “Për së dyti në mërgim”.