Djali më fatlum në botë

Përshkrimi

Një aventurë e re plot humor nga shkrimtari DannY Wallace që e shndërron të zakonshmen në të jashtëzakonshme. PËRFYTYRO SIKUR, SA HAP E MBYLL SYTË, TË KESH GJITHÇKA QË KE ËNDËRRUAR? Pikërisht kjo i ndodh Xhoi Smithit kur i bie fati të përzgjidhet FËMIJA MË I ZAKONSHËM në të gjithë vendin. Brenda natës, atij i dërgojnë në shtëpi biçikletën më të fundit, lojërat më të jashtëzakonshme elektronike dhe akulloret me shijet më të papërfytyrueshme. Për një ditë, ai e ka parkun e lodrave tërësisht për vete! Xhoi ka gjithçka që mund të kishte ëndërruar, por a është jeta vërtet ashtu siç duket kur del nga HIJA dhe vihesh në qendër të VËMENDJES? DANNY WALLACE është shkrimtar, fitues i shumë çmimeve, si edhe drejtues programesh radiofonike me aventura nga më të pabesueshmet. Ai është personazh i një videoloje, ka realizuar një emision televiziv për majmunët, madje ka themeluar edhe shtetin e tij. Ai ka shkruar serinë e famshme “Hamish” dhe librin “ Ditën që ekranet u fikën”. GEMMA CORRELL është shkrimtare, ilustruese dhe karikaturiste. Gjatë dhjetëvjeçarit të fundit, ajo ka bashkëpunuar me kompani të ndryshme për realizimin e qindra projekteve, ka organizuar një sërë aktivitetesh të ndryshme, si edhe është botuese e një reviste. Mos harroni ta ndiqni atë në Instagram dhe në faqen e saj të internetit gemmacorrell.com .