E paftuara

Përshkrimi

AUTORJA MË E SHITUR E TRILLERIT, B. A. PARIS, E CILA KA MAGJEPSUR LEXUESIT ME LIBRAT “PAS DYERVE TË MBYLLURA”, “SEKRETI I NJË NATE VERE”, “TERAPISTI” ETJ.. TASHMË JU FTON NË NJË SHTËPI TJETËR PLOT ME SEKRETE QË TË DRITHËROJNË ZEMRËN, NË LIBRIN “E PAFTUARA”. DISA SEKRETE NUK HARROHEN KURRË. Irisi dhe Gabrieli sapo janë kthyer nga pushimet e fundit jashtë vendit, por i pret një surprizë. Në shtëpi gjejnë një nga mikeshat më të ngushta, Laurën. Shumë shpejt atmosfera tensionohet kur çifti kupton që ajo i ka kaluar kufijtë e miqësisë: ka fjetur në shtratin e tyre, ka veshur rrobat e Irisit, madje riorganizon edhe shtëpinë. Laura është larguar nga shtëpia për shkak të tradhtisë së të shoqit, Pjerit, mikut të Irisit dhe Gabrielit. Mirëpo ai ka edhe një fëmijë jashtë martese. Irisi dhe Gabrieli duan ta mbështesin Laurën, por ndërsa gjendja e saj shpirtërore bëhet gjithnjë e më e paparashikueshme, prania e saj sjell pasoja. Shpërqendrimi i vetëm për Gabrielin dhe Irisin janë fqinjët e tyre të rinj. Vetëm se bashkë me ta vjen edhe kopshtari i tyre, me një të kaluar plot telashe. Shumë shpejt do të zbulohen sekretet e së shkuarës së të gjithëve, por disa janë më të rrezikshme nga ç’mund të kishin menduar.