Fjalëkryqet e letërsisë

Përshkrimi

Si shkrimtar, poet e publicist, Bedri Islami sjell dëshmi tronditëse, të pangjashme, nga ato që rrallë krijuesi t’u kenë ndodhur e t’i kenë përjetuar vetë në jetë. Raportet që ai ka me personazhet janë të papërsëritshme, e vërteta që vjen si triller artistik është e jashtëzakonshme: kujt krijuesi i ka ndodhur që një personazh si Zeneli të jetë edhe ish-nxënës e personazh, Luli i Vocërr i Migjenit, edhe babai i autorit? Që nëna Dritë, gjithë mall e dhimbje, që humbi në moshë tepër-tepër të re shokun e jashtëzakonshëm të jetës në rrethana dramatike të jashtë-zakonshme, që humbi në luftë të vëllanë, Naim Gjylbegun, në lulen e moshës, një nga pesë Heronjtë e Vigut,- është nëna e autorit? Që Ladrovcët, burrë e grua, Heronj të Lirisë, të jenë bashkëluftëtarë e miq të autorit? Libri më i ri i Bedri Isamit, me titull “Fjalëkryqet e letërsisë”, është i vecantë. Ndryshe nga librat e mëparshëm të tij, këtu kemi portrete e analiza për shkrimtarët jo thjesht për veprën e tyre artistike por të kombinuar më jetën dhe kontaktet e autorit me ta.