Fuck him! Në djallë shkoftë!

Përshkrimi

Shumë gra përballen me probleme në jetën e dashurisë dhe 99.9 për qind e tyre mund të ishin shmangur, nëse do iu kishin thënë pak më shpesh: “Epo, FUCK HIM (Epo, kështu e kanë këto punë, në djall shkoftë”)! Shumë gra janë tepër të mira dhe të bindura me burrat e tyre, veçanërisht kur këta meshkuj nuk e meritojnë një trajtim të tillë. E megjithatë, çdo grua që kam takuar përpiqet të mos jetë nevojtare dhe mos t’i tregojë hapur ndjenjat dhe emocionet. Ajo thjesht do të mbrojë ndjenjat e saj. Megjithatë, shumica e grave që kam trajnuar kanë pasur meshkuj që janë dukur tepër të interesuar, por janë zhdukur papritur nga jeta e tyre. Këto gra kanë mbetur të painformuara dhe në errësirë. Pasi djali zhduket, shpesh zbulojnë se është më lehtë të marrin në telefon presidentin e Shteteve të Bashkuara, sesa njeriun që në dukje i pëlqente shumë… por jo aq shumë sa të qëndronte pranë tyre. Një gjë e tillë duhet të ndalet. Unë si trajnues i takimeve të dashurisë dhe autor librash për gratë që duan të lidhen me burra nuk mund ta pranoj më një gjë të tillë. Ky nuk është faji juaj. Është faji i tij! Ai duhet të mësojë të jetë shumë më tepër transparent dhe i drejtpërdrejtë. Thënë kjo, të dy e dimë se shumica e burrave nuk do të ndryshojnë. Ne mund ta çojmë kalin deri te burimi, por nuk mund ta detyrojmë të pijë ujë. Apo mundemi ta bëjmë një gjë të tillë? Po sikur të kishte një mënyrë për të ndryshuar sjelljen e djalit? Po sikur të arrish të futesh në kokën e tij dhe t’i marrësh timonin e shoferit? Po sikur të arrinit që të bënte më shumë gjërat që vlerësoni dhe më pak sjellje te këqija që nuk i pëlqeni? Në fillim, kjo mund të duket e pamundur. Megjithatë jam i sigurt që keni takuar tashmë gra që janë të mira në manipulimin e burrave të tyre.