Giovanni Falcone – Vetëm është kuraja

Përshkrimi

Historia e njeriut që pati guximin të sfidonte mafian dhe të ecte drejt fatit të tij Më 23 maj 1992, një shpërthim i fuqishëm tronditi Palermon dhe gjithë Italinë: gjyqtari Giovanni Falcone, armiku numër një i mafias siciliane, u vra tragjikisht me qindra kilogramë eksploziv. Në këtë roman të jashtëzakonshëm, Roberto Saviano rindërton rrugën e gjatë dhe plot rreziqe që çoi drejt këtij atentati, duke ndjekur hapat e një njeriu që pati kurajën e jashtëzakonshme të sfidonte oktapodin mafioz. Nga rihapja e dosjeve vendimtare antimafia deri te proceset gjyqësore historike, mes dhimbjes së thellë për kolegët e rënë dhe çasteve të rralla e intime të jetës private, Falcone ecën përpara me vetëdijen e plotë se fundi mund ta presë pas çdo dere. Autorësi i bestsellerit “Gomorra” zgjedh të nderojë kujtimin e gjykatësit palermitan jo si një ikonë të ngrirë, por si një njeri të gjallë nga mishi e gjaku. Përmes një rrëfimi që shkon përtej rindërtimit të thjeshtë historik të bazuar në burime, Saviano depërton deri në atë hapësirë intime ku piqen vendimet më të rëndësishme, përpara se ato të ndodhin në realitet. Çfarë thotë kritika ndërkombëtare: • “Roberto Saviano ka ndërtuar me mjeshtëri një tekst po aq tërheqës sa një serial televiziv.” – Les Inrocks • “Një panoramë e plotë që vazhdon, në mënyrën e tij, punën e gjyqtarit.” – LIRE • “Metoda e Savianos funksionon mrekullisht, sepse shkrimtari është më afër se kurrë me subjektin e tij.” – Le Monde • “Një mësim guximi.” – Challenges