Gjithçka që dija për dashurinë

Përshkrimi

Kur bëhet fjalë për sprovat dhe ngadhënjimet drejt rrugës së rritjes, gazetarja e “Sunday Times”, Dolly Alderton, i ka parë dhe provuar të gjitha. Në kujtimet e saj, rrëfen gjithë gjallëri rënien në dashuri, gjetjen e punës, dehjen, braktisjen, çastin kur e kupton se Ivani nga dyqani i qoshes mund të jetë i vetmi burrë i besueshëm në jetën e saj. “Gjithçka që dija për dashurinë” ka të bëjë me takimet e këqija, miqtë e mirë dhe, mbi të gjitha, kuptimin se kur vjen çasti i duhur për gjithçka. Me plot zgjuarsi dhe mprehtësi, ngrohtësi dhe humor, debutimi i paharrueshëm i Dolly Aldertonit ndërthur histori personale, vëzhgime satirike, një seri listash e recetash të cilat do t’u sjellin ndër mend episode të njohura grave të çdo moshe, duke i nxitur të kapin telefonin dhe t’u tregojnë shoqeve të ngushta gjithçka për këtë. “Gjithçka që dija për dashurinë” ka të bëjë me betejat e moshës së hershme madhore me gjithë pasiguritë e saj të tmerrshme por shpresëdhënëse.