Gjyqi I Macokut

Përshkrimi

Gjyqi I Macokut-Bedri Dedja Kjo botë e përrallave është shumë e çuditshme! Nëse nuk keni dëgjuar ndonjëherë për Teatrin e Gjelbër, për maçokun Mustaqezi apo për miun përtac që zbret nga fshati “Vrimat e Minjve”, të cilët interpretojnë si aktorë në Teatrin e Kukullave në Tiranë, nuk duhet të humbisni rastin për ta ndjekur këtë histori të rrallë, ku marrin pjesë edhe milingonat – nxënëset më të mira të shkollës teatrore të pyllit. Përplasja e miut mendjemadh me milingonat punëtore përfundon në një gjyq, që zhvillohet në natyrë. Por për të vendosur drejtësinë, maçokut Mustaqezi i duhet të hedhë mbi supe pelerinën e kuqe, të vendosë në kokë paruken e bardhë, të lidhë rreth qafës shallin me qerka dhe me dorën e djathtë të shtrëngojë librin me kopertinë të trashë, ku janë shkruar ligjet e pyllit. Po si përfundon ky gjyq, do të pyesni ju? Pas pak, perdja do të hapet dhe shfaqja do të fillojë…