I dashur ti je trap

Përshkrimi

Kur dashuria nuk është shpëtim, por zbulim i të vërtetës Alisia dhe Oresti janë vetëm një pasqyrë e një historie që mund të ndodhë kudo dhe kurdo. Tek ata mund të shohësh veten, partnerin tënd, frikërat që fsheh dhe dëshirat që nuk pranon dot me zë. Në romanin “I dashur ti je trap” , kjo histori sfidon çdo ide romantike e të idealiz uar për “shpirtin binjak”, sepse ndonjëherë dashuria nuk të shpëton—ajo të zbërthen. Është një luftë e heshtur midis dëshirës së pangopur për të zotëruar dhe frikës së përhershme për të humb ur vetveten. Në këtë rrëfim nuk ka heronj të përsosur, as njerëz plotësisht të pafajshëm. Ka vetëm njerëz të vërtetë e të thyeshëm që kërkojnë veten në trupin e tjetrit, që dashurojnë për të harruar dhe shkatërrojnë për të ndier. Libri zhvesh çdo maskë të shoqërisë dhe konventave të romancës, për të treguar thelbin e gjallë e shpesh të dhimbshëm të lidhjeve njerëzore. Sepse dashuria nuk është shpëtim. Është zbulim. Dhe vetëm ai që guxon të zbulojë deri në fund, arrin të kuptojë se shpesh nga shkatërrimi lind e vërteta më e madhe.