Jeta, njeriu, historia

Përshkrimi

Në trembëdhjetë kapituj të këtij libri do të gjeni tema të ndryshme, por një gjë i bashkon të gjitha së bashku: Historia. Ajo që filloi atje, midis dy lumenjve Tigër dhe Eufrat, me lindjen e shkrimit rreth 5350 vjet më parë. Më parë kishte Parahistori, pasi njerëzit nuk dinin të shkruanin, por po të shkojmë më tutje, në këtë libër, do të arrijmë aty ku, sipas shkencës, zë fill gjithçka, 14.7 miliard vjet më parë. Përveç kureshtjes për t’u zhytur sa më thellë në Histori, ajo që e ka nxitur dhe frymëzuar për këtë ndërmarrje, kanë qenë autorët apo lektorët e vërtetë të këtyre shkrimeve, të cilëve ju ka ndjekur leksionet apo lexuar librat e botuara së fundmi prej tyre. Shumica e tyre janë me famë botërore dhe shkëlqejnë në fushat e tyre. E kanë frymëzuar thjesht me atë vetinë që e kanë njerëzit e lexuar dhe të ditur: modestinë dhe thjeshtësinë, jo vetëm kur flasin në leksione por edhe kur shkruajnë. Andaj pas kësaj shtytje, pyetja që i bëri menjëherë vetes ishte: pse këto njohuri të mos jenë të shprehura edhe në shqipen tonë të bukur, po aq sa edhe në atë frënge? Dhe u nis për udhë.