Jubileu i shiut të çmendur

Përshkrimi

Skënder Buçpapaj e përfshin të gjithë leksikun e gjuhës shqipe, në mënyrën më elegante supreme, mjeshtër i metaforave dhe asosacioneve, mjeshtër i figurave të kuptimit e shqiptimit poetik, mjeshtër i kontrasteve, duket se i ka shterur të gjitha fjalët e kësaj jete, asnjë objekt i kësaj bote s’ka mbetur jashtë orbitës së poetit pa u përmendur, emër për emër, gjithë universi është brenda, universi i natyrës dhe universi i shpirtit të njeriut, sa vjen një moment kur duket se vargjet i shkruan subkoshienca e poetit në një dëlir e jerm niçean, shumë afër cakut e kufirit ku poeti vë në dyshim vetveten a është njeriu apo është vetë Zoti. ELIDA BUÇPAPAJ Me figuracionin e freskët, të pasur dhe origjinal, kjo poezi arrin gjithnjë të na befasojë. SULEJMAN MATO Poezia e Buçpapajt dëshmon për qëndrueshmërinë e tij por edhe për tërë atë energjinë, të cilën rrallë mund ta ketë gjithkush për të bërë ndërlidhjen në mes të unit dhe jetës, e aq më tepër, kur kemi parasysh se asnjëherë nuk jetohet pa begatinë e filozofisë së jetës. SEJDI BERISHA Skënder Buçpapaj shkruan në frymën moderne, sado që ngjarjet na duken krejt reale, me emra të njohur, me toponime të njohura, ato i janë nënshtruar një frymëzimi karakteristik, të veçantë dhe një dore të sigurt artistike. Prof. Dr. XHAVIT ALIÇKAJ Skënder Buçpapaj është poet i lindur! PETRO MEJDI