Jul Çezari

Përshkrimi

Jul Çezari – William Shakespeare ul Cezari është tragjedia e parë e Shekspirit, nga tri tragjeditë me temë nga historia romake. Ashtu si Antoni dhe Kleopatra dhe Korioliani , Jul Cezari është një dramatizim i ngjarjeve të vërteta, Shekspiri shkruan për Cezarin, Brutin dhe Mark Antonin, duke u mbështetur mbi Lives, të historianit të lashtë romak, Plutark, si burimi kryesor i subjektit të tragjedisë dhe të karaktereve. Jul Cezari është gjithashtu një tragjedi, por, pavarësisht nga titulli, karakteri tragjik i pjesës është Bruti, romaku fisnik, vendimi i të cilit, për të marrë pjesë në komplot për hir të lirisë, e çon atë në një konflikt personal dhe vendin e tij në një luftë civile. Studiuesit e letërsisë kanë debatuar për shekuj me radhë në lidhje me çështjen se cili është në të vërtetë protagonisti i kësaj tragjedie. Përgjigjja thjesht e sipërfaqshme e kësaj çështjeje do të ishte: Jul Cezari. Në fund të fundit, tragjedia ka emrin e tij, dhe ngjarjet e tragjedisë lidhen të gjitha me të. Sidoqoftë, Cezari shfaqet vetëm në tri skena (katër, nëse përfshihet edhe fantazma), duke e bërë kështu të pamundur zgjedhjen e protagonistit, që supozohet të jetë karakteri kryesor. Ndërkohë, Bruti, që shfaqet shumë më shpesh se Cezari (dhe në fakt shkon deri në skenën përfundimtare), nuk është karakteri kryesor i tragjedisë, dhe është listuar në emrat e vetave jo vetëm pas Cezarit, por pas të gjithë triumviratit dhe disa senatorëve, të cilët mezi shfaqen në tragjedi. Përcaktimi i protagonistit është një nga shumë çështjet tërheqëse që paraqet tragjedia.