Kapelat prej kashte

Përshkrimi

Tri vera në dritën e Atikës: Një udhëtim drejt rritjes dhe lirisë Dashuria, kërkimi i vetvetes dhe pasioni… “Kapelat prej kashte” sjell përjetimet e tri motrave nën dritën vezulluese të Atikës përgjatë tre vjetëve që do të shënojnë fundin e fëmijërisë së tyre. Maria 20-vjeçare, Infanda 18-vjeçare dhe Katerina 16-vjeçare, pas divorcit të prindërve, jetojnë me nënën, gjyshin dhe tezen në një shtëpi në periferi, ku ditët e nxehta të verës bëhen sfondi i transformimeve të tyre të mëdha. Maria, më e madhja, shfaqet e ndjeshme dhe e lidhur ngushtë me misteret e natyrës. Infanda është e flaktë, por e përmbajtur kur vjen puna te ndjenjat, ndërsa Katerina, e etur për liri, zgjedh të jetojë ëndrrën e saj me çdo kusht. Për Katerinën, miti kthehet në realitet, ashtu si fytyra e gjyshes polake dhe figura e kapitenit Andrea. Ajo i rrëfen ndodhitë e këtyre tri verave me një humor të hollë, hir rinor dhe një lloj nostalgjie që të bën për vete që në faqet e para. Ky libër, i botuar për herë të parë në vitin 1946 dhe më pas në Paris nga shtëpia prestigjioze “Gallimard”, mbetet një vepër plot entuziazëm që zgjon emocione të thella te lexuesi. Vetë Albert Camus, i mahnitur nga kjo vepër, shkroi: “Dielli është zhdukur nga librat në ditët e sotme… por sekreti ruhet ende në disa vende, përçohet nga njëri ithtar te tjetri.” Një roman që sjell dritën e munguar dhe zbulon me finesë misterin femëror.