Kikirika Xhons dhe zgjidhja e misterit

Përshkrimi

Shkrimtari dhe ilustratori Rob Biddulph të lë pa mend me këtë libër për fëmijë me titull, “Kikirika Xhons dhe zgjidhja e misterit”, i cili është i treti dhe i fundit i serisë gazmore të Kikirikës. Aksioni dhe aventurat ngërthejnë pas vetes djem dhe vajza të moshës 8 deri në 12 vjeç, ndaj i fton krahëhapur lexuesit e vegjël në lexim. Së bashku me familjen dhe miqtë e saj, duke përfshirë Rokuelin, robotin, Lilibetin, Kikirika duhet të zbulojë të dhëna, të përballet me sfida të reja dhe “të luftojë” me zotin Bardhi, një antagonist të paparashikueshëm dhe shumë të fuqishëm. Zoti bardhi nuk do mund të ndalej nga askush dhe asgjë për zbatimin e planit e zhdukjes nga faqja e dheut të artit dhe të kreativitetit. Në këtë libër ai shkon shumë larg, josh nënën e Kikirikës, duke e vënë atë në rrezik, dhe vë në lëvizje Kikirkën dhe miqtë e saj të cilët janë të vetmit që mund ta shpëtojnë. Po a është vërtetë zoti Bardhi ai që shkakton gjithë këto trazira, apo dikush tjetër shfaqet si ai? Një mision i mbushur me aksion në zemër të Qytetit magjik të Ilustruar teston miqësitë dhe çon në një përballje përfundimtare që e bën Kikirikën të vërë në dyshim gjithçka që ajo mendonte se dinte… Historia kombinon kreativitetin, guximin dhe magjinë e imagjinatës ndërsa Kikiriku garon me kohën për të mbrojtur botën shumëngjyrëshe nga errësira, Qytetin e Ilustruar. Përfundimi i serisë përshin sa argëtimin, aq edhe aksionin, e ku në fund festohet shpëtimi i artit nga zhdukja, trumfi i miqësisë dhe përfitimet e punës në grup.