Letërkëmbimi i Nolit

Përshkrimi

Epistolari përbën një nga komponentët më të rëndësishëm të burimeve vetjake të Fan Nolit. Ai shtrihet në një periudhë kohore afro gjashtëdhjetëvjeçare (1906-1965), pas së cilës qëndron historia shqiptare e gjysmës së parë të shekullit XX. Fjala e tij e shkruar, edhe në epistolar rrezaton atdhedashuri e progres, fisnikëri e bukuri. Letrat mund t’i ndanim në katër grupe: 1906-1912, 1912-1924, 1925 1939, 1940-1965. Gjurmët e epistolarit të çojnë në tërë diasporën, te shqiptarët e Italisë dhe ata të Amerikës Latine, por dhe tek intelektualë kosovarë. Ato përshkohen nga ndjenja vëllazërore, nga gatishmëria për ndihmë, nga dialogu kulturor.