Libri i së qeshurës dhe harresës

Përshkrimi

Për mënyrën se si i “kompozon” romanet, Kundera ka thënë se imition krijimin e një simfonie muzikore, me një a disa “tema”, dhe variacione mbi këto tema. Temat e “Librit të së qeshurës” janë kujtesa dhe harresa, liria dhe shtypja, serioziteti dhe e qeshura. Variacionet e tij janë të panumërta, lëshohen drejt së panjohurës, me humor dhe dhimbje, për t’u kthyer e rikthyer përsëri. Për përmbledhjen e një romani në pak rreshta, Kundera ka shprehur përherë përbuzje. Vetë romani është përmbatja, ka thënë e përsëritur autori. Në respekt të kësaj këmbënguljeje, nuk po përpiqemi ta përmbledhim përmbajtjen e “Librit të së qeshurës”. Lexuesit do duhet ta lexojnë për ta zbuluar. Për biografinë e shkrimtarit, Kundera ka qenë po aq refraktar dhe kategorik, aq sa kërkonte me kontratë që botuesi të shkruante në çdo kopje të librave të tij vetëm fjalinë: “Milan Kundera lindi në Republikën Çeke, dhe prej vitit 1975 jeton në Francë”. Nga vjet, na u desh të shtonim fjalinë e dytë: “Vdiq në vitin 2023”. Milan Kundera, pra, ishte shkrimtar i lindur në Republikën Çeke, i cili jetoi në Francë prej vitit 1975, ku edhe vdiq, në vitin 2023. Prej tij, Pika pa sipërfaqe ka botuar përmbledhjen me ese “Testamentet e tradhtuara”, romanin “Pavdekësia”, dhe ka në proces përmbledhjen me ese “Perdja”.