Loja e Geraldit

Përshkrimi

Loja e Geraldit – Stephen King Pa asgjë në trup veç një këmishe të hollë, Xhesi Bërlingemi e gjen veten të prangosur në shtrat, në një shtëpi të izoluar buzë liqenit. Jashtë endet një qen i uritur dhe, jo shumë larg, dëgjohet zhurma e një motosharre. Gruaja kishte pranuar që i shoqi, Geraldi, t’i vinte prangat për të bërë lojëra seksuale. Dikur, ndërron mendje dhe, ndërsa ai vazhdon të këmbëngulë në të tijën, ajo e godet me shkelm në stomak. Geraldi vdes papritur nga një sulm në zemër. Stephen King Dhe tani Xhesi nuk është më vetëm. E bllokuar në atë shtëpi, që do kthehet në burgun e saj, në njëzet e tetë orët që pasojnë, Xhesit do t’i duhet të përballet me frikërat e saj më të thella, ndërkohë që dera e pambyllur mirë, të cilën era e përplas me një tingull të kobshëm, është një ftesë drejt një tmerri të pagjasë, një tmerri që kurrë s’e kishte imagjinuar. Ndërkohë që pllakos errësira, në atë dhomë gjumi grumbullohen hijet si një kërcënim i heshtur, teksa në kokë i kumbon një kor zërash që i këlthasin e i pëshpërijnë: “Gratë… vetëm në errësirë… janë si ca dyer të hapura… dhe nëse klithin duke kërkuar ndihmë, një Zot e di se ç’fantazma të llahtarshme mund t’u përgjigjen. ” Stephen King na dhuron një nga veprat e tij më sfiduese, model i një intensiteti brilant, suspanse eksluzive dhe një zbulimi marramendës të kthinave më të errëta të psikës së paepur femërore. Ai është autori i më shumë se 50 librave, bestseller kudo në botë. Romani “Loja e Geraldit” është përshtatur dhe bërë film në vitin 2017, me regjisor Mike Flanagan.