Mëria e Fundit

Përshkrimi

Mëria e Fundit-Max Seeck Në këtë thriller të ri fantastik të autorit të “Gjuetari i Shtrigave”, bestseller i Neë York Times, Xhesika Niemit i duhet të luftojë demonët e të kaluarës, teksa kolegët hetojnë vrasjen brutale të një biznesmeni të shquar. Eliel Zeterborgu është gjetur i vrarë në shtëpinë e tij luksoze në Helsinki. Ajo çka në sy të parë duket çështje e lehtë, nuk rezulton aspak e tillë kur zbulohet se vrasësi ka edhe të tjerë në shënjestër. E vetmja e dhënë që ka policia është një foto e Zeterborgut me tre burra të tjerë, fytyrat e të cilëve janë fshirë. Hetuesja Xhesika Niemi është shkëputur përkohësisht nga policia e Helsinkit për të gjurmuar besëlidhjen e shtriganëve që thuajse e vrau. Drejtimi i hetimeve i ngarkohet kolegut të saj, Jusufit. Teksa rrëmon për të zgjidhur çështjen, Jusufi kupton se ka nevojë për ndihmën e Xhesikës. Ndërkohë që gërmojnë më thellë, të dy kuptojnë se djalli që po kërkonin gjithë këtë kohë është kthyer dhe po pret çastin e duhur për të sulmuar.