Makth – Eva Caca

Përshkrimi

Mes dritave të Vitit të Ri në atë aeroport jeta e Evës ndahet më dysh. Nën prangat e ftohta që i vendosin, lë pas djalin e saj 8-vjeçar, drithërimat e të cilit i ndjen thellë në shpirt. Befas e shikon veten përpara një porte hekuri dhe disa gërsheta telash me gjemba. Ajo përballet me një dosje të mbyllur në emrin e saj. Një akuze, një dënim, një vendim: një brune me makinë gri. Një histori që nuk përputhet me të vërtetën e saj. Çfarë fshihet brenda asaj dosjeje? Kush e çoi Evën prapa hekurave? Çfarë ndodh dhe përjeton ajo pas tyre? Sa duhet të humbasësh nga vetja për të rifituar lirinë? Çfarë do të thotë për një grua, për një nënë që t’ia rrëmbejnë sigurinë, lirinë dhe dinjitetin? Jeta dhe identiteti i saj nëpërkëmben. Fati, drejtësia dhe të tjerët luajnë me këtë identitet si në ruletë. Përshkrimet rrëqethëse, por edhe shkëndija e shpresës do ta shoqërojnë lexuesin deri në faqen e fundit të librit.