Mami, une dhe mami

Përshkrimi

Fuqia e faljes dhe lidhja e pathyeshme mes nënës dhe bijës Kur martesa e saj filloi të shkërmoqej, Vivian Baxter-i mori një vendim që do të ndryshonte gjithçka: i dërgoi dy fëmijët e saj, djalin e madh dhe vajzën trevjeçare, tek e vjehrra në Arkansas. Në librin e saj thellësisht autobiografik Mami, une dhe mami , Maya Angelou rrëfen se si ndjenja e braktisjes dhe pasojat e kësaj ndarjeje të dhimbshme do ta shoqëronin gjatë gjithë jetës. Megjithatë, dhjetë vjet më vonë, bashkimi i tyre do të shënonte pikënisjen e një historie të jashtëzakonshme e të parrëfyer më parë. Sikur të mos mjaftonte ajo traumë e parë e fëmijërisë, jeta e autores do të karakterizohej nga një luhatje e atillë fatesh dhe sfidash, sa të paktë do të ishin ata që do të kishin arritur të mbijetonin—e akoma më të rrallë ata që do të gjenin suksesin e merituar dhe famën ndërkombëtare. Por pas çdo rënieje fshihej nevoja për të kuptuar dhe për të rindërtuar urat e thyera me gruan që i dha jetën. Në këtë rrëfim të fundit intim, të botuar vetëm një vit para se ajo të ndërronte jetë, Angelou na paraqet një ndër marrëdhëniet më të gjalla, më shpërblyese dhe më të ndërlikuara të ekzistencës së saj. Ky libër zbulon shërimin e plotë, të bazuar në dashuri, kohë dhe energji të pashtershme, i cili në fund i dha asaj forcën dhe kurajën e nevojshme për t’u ngritur nga thellësi të pamata drejt lartësive të pamundura.