Mbi psikikën njerëzore

Përshkrimi

Carl Gustav Jung (1875-1961), themelues i shkollës analitike të psikologjisë dhe zhvillues i një teorie të re e radikale mbi pavetëdijen. Zbulimi i Jungut mbi “pavetëdijen kolektive”, një trashëgimi e përbashkët psikike e gjithë njerëzimit, arriti të transformojë jo vetëm kuptimin tonë mbi qenien njerëzore, por edhe mënyrën e interpretimit të botës. E pikërisht në njërën nga esetë e tij më të famshme “Mbi natyrën e psikikës”, të përfshirë në këtë libër ai përshkruan në mënyrë mjeshtërore teorinë e vet të pavdekshme mbi pavetëdijen dhe lidhjet e saj me mendjen e vetëdijshme. Ndërsa në esenë tjetër të mrekullueshme “Mbi energjinë psikike”, ai mbron dhe interpreton teorinë e libidos, një tjetër gur themeli në ndërtesën madhështore të veprave që ai i la psikologjisë dhe një faktor kyç që shërbeu për ndarjen e madhe nga Frojdi. Ndaj, për këdo që do të kuptojë sa më thellë botëkuptimin jungian, ky libër është një domosdoshmëri.