Mirëmëngjes, shpresë

Përshkrimi

Prindërit e tyre ishin të vendosur të largoheshin me qëllim që të mbronin të jo vetëm të ardhmen e vajzave, por vetë jetën e tyre. Pas shumë e shumë peripecish, ata arritën të merrnin arratinë, por vetëm për t’u gjendur brenda një makthi tjetër, kësaj radhe si refugjatë. Me shpirt luftarak dhe vendosmëri, ata u përpoqën të ecnin përpara. Kur tragjedia pllakosi sërish, duke iu kanosur gjërave më të shtrenjta që kishin, vajzave iu desh të përballeshin me çmimin e lartë që kishin paguar për të mbijetuar. Në librin “Mirëmëngjes, shpresë”, Argita dhe Detina rrëfejnë historinë e tyre të dhembshme të guximit dhe qëndresës. Forca e familjes së tyre, por mbi të gjitha lidhja e pathyeshme që ekziston mes motrave binjake i ushqeu dhe u dha guxim për të kapërcyen sprovën e vështirë. Kritika “Lexuesit do të mahniten nga rrëfimi që u bëjnë dy binjaket vështirësive dhe peripecive të shumta që kalojnë refugjatët… Një histori që na kujton se sa e çmuar është demokracia.” Kirkus Reviews “Binjaket Zalli ofrojnë një rrëfim të fuqishëm dhe mjaft të detajuar… të përvojës dhe historive, sipas këndvështrimit shqiptar, të mbijetesës së refugjatëve, paragjykimeve ndaj tyre dhe integrimit.” Midwest Book Review “Një libër frymëzues dhe me nota të fuqishme… Tani, që të dyja shkencëtare të kalibrit botëror, arritjet e Argitës dhe Detinës do të mbahen mend për një kohë të gjatë.” Paul Rosenberg, fitues çmimi për lidership, lektor dhe strateg “Një libër që të mban mbërthyer, bazuar në një histori të vërtetë… Ndoshta mund të ndryshojë edhe perceptimin tuaj për botën, t’ju shtyjë të ndihmoni fëmijët refugjatë apo të mendoni çfarë mund të bëni që tragjedi të tilla të mos ndodhin më kurrë.” Julia Brodsky, studiuese arsimi në STEM dhe ish-instruktore astronautësh në NASA “Historia e familjes Zalli është shembulli më frymëzues që kam parë për mënyrën se si fuqia e dashurisë dhe sjellja pozitive që ajo krijon, mund ta kthejnë fatkeqësinë në sukses.” J. D. Freedman, shkrimtar dhe kineast.