Në besë të tatuazhit tënd

Përshkrimi

“Ka aq shumë thurje, ndërthurje, mbi-dhe-nënthurje brenda thurimës së tekstit, mes reales, absurdes, imagjinatës vullkanike, onirikes, surreales dhe hiperreales, në një sfond filozofie marramendëse sa duhet se s’bën një lexim i dytë përpos atij përpirës për të shijuar çdo detaj”. Mira Meksi Një roman dashurie me frymë të re, me forcën dhe bukurinë që të jep dashuria, plot me ndjesi si tatuazhe në ajër, lëvizje dhe urbanistikë, ngjarje që përziehen me legjendën e modernizuar, copëzime në kohë dhe në personazhe të saj pa emra, që mund të emërohen gjatë leximit që të rrëmben, magjik dhe superrealist ndërkohë, ku detaji duket sa eksperimental, po aq dhe përsiatje psikologjike, me sinqeritet deri në guxim artistik, një prurje pasuruese e letrave shqipe sot. Visar Zhiti Tekst që, bashkë me disa të tjerë viteve të fundit, dëshmon për një frymë dhe ndjeshmëri të re në letrat shqipe. Në këtë roman janë gërshetuar befasishëm dhe bukur elementë biografikë me ato të trilluar, duke krijuar qëllimshëm një “mjegull kuptimore”, ku lexuesi ndihet i provokuar. Ridvan Dibra