Nën rrotë

Përshkrimi

Zotin Jozef Gibenrat, agjent dhe tregtar i dorës së dytë, nuk e dallonte ndonjë tipar i veçantë apo ndonjë prioritet nga bashkëqytetarët e tij. Njësoj si ata ishte shpatullgjerë dhe i shëndetshëm, kishte talent të pranueshëm për të bërë tregti, të kombinuar me një nderim të sinqertë e të përzemërt për paratë; kishte; po ashtu si ata, një shtëpi të vogël me kopshtth, një varr familjar në varreza, besim fetar të vagullt, respektin e duhur për Zotin dhe autoritetet, si dhe një nënshtrim të verbër ndaj parimeve të hekurta të moralit qytetar.