Ne emer te Pjetrit

Përshkrimi

Pak, pasi hipi në fronin papnor, papa Françeskut i ra në dorë një dokument sekret: bilancet e shtetit të Vatikanit. Atë moment kuptoi arsyen e vërtetë të dorëheqjes së zhurmshme të paraardhësit të tij, Benediktit XVI. Shteti i kishës është nën kërcënimin e falimentit. Shpenzimet e Dioqezës janë jashtë kontrollit dhe për t’i mbuluar përdoren fondet e urgjencës, madje edhe dhurimet, duke përfshirë edhe paratë e ovullës së Shën Pjetrit. Faturat e korrigjuara dhe zhdukja e të mirave materiale nga magazinat duket se janë të zakonshme. IPF-ja, banka e Vatikanit, vepron pa asnjë transparencë. Bilanci vjetor i shtetit s’është vetëm në pasiv, por edhe kaq shumë i papërgjegjshëm saqë revizorët e llogarive refuzojnë ta miratojnë. Në qetësinë e Shën Martës, ku ka zgjedhur të jetojë, papa Françesku e kupton rëndësinë e detyrës që ka. Një detyrë e paanë. Nga korriku i të njëjtit vit, një Komision Ndërkombëtar vendoset në një nga zyrat e Shën Martës. Atij iu kërkua të bënte një analizë të thellë lidhur me situatën ekonomike dhe ¬nanciare të Vatikanit si dhe të tregonte rrugëdaljen nga humnera. Një fakt i pa precedent. Komisioni përbëhej nga gjashtë meshkuj dhe një femër.