Ne mendjen e hipnotizuesit

Përshkrimi

Kur e shkuara fshihet në skutat më të errëta të kujtesës Në thrillerin e jashtëzakonshëm “Ne mendjen e hipnotizuesit” , rikthehemi në atmosferën e akullt dhe të rrezikshme të Suedisë. Erik Maria Bark është eksperti më i njohur i hipnozës në vend, njeriu të cilit policia i drejtohet kur dëshmitarët janë në gjendje shoku të thellë. Por këtë herë, sfida është përtej çdo imagjinate. “Dëgjo vetëm zërin tim, asgjë tjetër. Së shpejti do të filloj numërimin mbrapsht… Ti do të hysh në shtëpi. Do ta shohësh. Dhe nuk do të kesh frikë…” Një vrasës serial po i shtie dridhmat Stokholmit. Ai është vetë vdekja: i vëzhgon viktimat, i filmon ato në intimitetin e shtëpive të tyre, ia dërgon videon policisë si një sfidë të hapur dhe më pas godet pa mëshirë. Pacienti i Erikut, Bjorni, është i vetmi që di çfarë i ka ndodhur bashkëshortes së tij, Suzanës, por trauma ia ka fshirë kujtimet. Eriku duhet ta ndihmojë atë të kujtojë sa më parë për të ndalur këtë masakër. Megjithatë, ajo që Eriku nuk e di është se gjatë seancave të hipnozës nuk do të dalin në dritë vetëm detajet e krimit, por edhe hollësi komprometuese nga e kaluara e tij. Me të vetmin detektiv që mund t’i besonte—Jona Lina—të shpallur të vdekur nga autoritetet prej një viti, hipnotizuesit i duhet të përballet i vetëm me tmerrin që fshihet brenda vetes. Për çdo lexues të pasionuar pas suspensës inteligjente, ky botim është një udhëtim i pandalshëm drejt frikës.