Ëngjejt e Hamurabit

Përshkrimi

Ëngjejt e Hamurabit-Max Seeck I duhej t’i rikthehej ferrit, megjithëse ishte betuar se do t’i qëndronte larg. Kroaci. Deti Adriatik vezullon. Malet janë të gjelbra. Dielli rrezaton. Të njëjtat peizazhe që kishin shoqëruar atë luftë të përgjakshme të njëzet viteve më parë, pjesë e së cilës kishte qenë finlandezi Daniel Kuisma. Që nga ajo kohë, brenda vetes, ai vuan nga një luftë e mundimshme. Çfarë ka ndodhur në të vërtetë njëzet vjet më parë? Kuisma rikthehet në tokën kroate për të hetuar zhdukjen e një punonjësi të Ambasadës Finlandeze. E njeh këtë vend si gishtat e dorës. Është i shoqëruar nga një femër, e cila përtej bukurisë dhe klasit ka një mision për të kryer. Befas ngjarjet marrin kthesa të paparashikuara dhe ai mëson se lufta ka hedhur hije shumë më të forta nga sa mund ta kishte përfytyruar. Përballet me të vërteta tronditëse. Kupton se nuk është më hetuesi, por i hetuari dhe i përndjekuri. Duket se gjithçka ka lidhje me grupin e ashtuquajtur “Engjëjt e Hamurabit”, një skuadër ndëshkuese që kërkonte të merrte hak për krimet mizore të ndodhura gjatë luftërave në Ish Jugosllavi.