Novela e shahut – Pema

Përshkrimi

Kjo është historia e Dr. B., një i burgosur dhe i torturuar në burgjet naziste, i cili arrin t’i rezistojë izolimit dhe torturës përmes mjeshtërimit të lojës së shahut, duke luajtur vetëm në imagjinatë dhe duke simuluar që të dy lojtarët gjatë izolimit të tij, ndërsa shahu bëhet shpëtimi dhe mallkimi i tij. Përballja e tij e mëvonshme me kampionin botëror Czentovic nuk është një përballje mes dy mjeshtërish shahu, por është përballje mes njeriut, atij me Nj të madhe, të përkulur nga jeta dhe të mbushur me ndjeshmëri, dhe njeriut nje nj të vogël, mediokrit shpirtëror, të konsideruar si gjeni vetëm nga një dhunti. Novela e shahut është një novelë psikologjike që trajton deri në palcë përballjen e mendjes njerëzore me torturën dhe pasojat e saj të pashlyeshme. Një rrëfim i bërë me një finesë të jashtëzakonshme që e mban lexuesin pezull dhe e përfshin atë në labirintet më të thella të trajtimit të qenies njerëzore.