Për miqësinë

Përshkrimi

…Mendimi im i parë është: miqësia ngjizet vetëm ndërmjet të ndershmëve, e them jo në kuptimin që i japin stoikët, ai i tyre ndoshta i saktë është, por zor të thuhet se e shohin miqësinë me syrin e dobisë së përgjithshme që na vjen prej saj. Sipas tyre, i ndershëm mund të jetë vetëm i urti. Qoftë kështu! Veç me “i urti” ata kuptojnë atë, që asnjë i vdekshëm deri më sot nuk e ka arritur dot; ne na e kërkon nevoja ta shohim miqësinë në shpalosjen e saj në jetën e përditshme, ta vlerësojmë në mbështetje te përvoja e fituar nga jeta, të mos bazohemi në të imagjinuarën e as në të dëshiruarën.