Pen pal

Përshkrimi

Pen Pal – J.T. Geissinger Një bestseller i menjëhershëm i USA Today! Gjithçka filloi vetëm me një rresht. “Do të pres përgjithmonë, në qofsha i detyruar.” Letra e parë mbërriti ditën që u varros im shoq. Ishte me vulë postare nga burgu shtetëror dhe përmbante një fjali të vetme: Do të pres përgjithmonë, në qofsha i detyruar. Ishte nënshkruar nga Dantja, një burrë që nuk e njihja. Thjesht nga kureshtja, i shkrova përsëri, për ta pyetur se çfarë po priste saktësisht. Përgjigjja e tij? Ty. I thashë burrit misterioz se kishte gjetur vajzën e gabuar. Nuk ishte dakord. I thashë se nuk ishim takuar kurrë, por ai ma ktheu se gabohesha. Vazhduam kështu, duke shkëmbyer çdo javë letra që bëheshin gjithnjë e më intime. Pastaj një ditë, letrat u ndalën. Kur e mora vesh pse, ishte tepër vonë. Dantja ishte në pragun tim. Dhe asgjë në botë nuk mund të më kishte përgatitur për atë që ndodhi më pas. PEN PAL, fenomeni i BookTok-ut, është një romancë e errët, e nderë, e shkruar me kthesa të paharrueshme që do t’i lënë lexuesit pa frymë. Kjo romancë marramendëse për dashurinë e pamohueshme nga superylli J.T. Geissinger nuk duhet humbur!