Poetika

Përshkrimi

… Duket qartë se puna e poetit nuk është të rrëfejë atë që ka ndodhur në të shkuarën, por atë që do të ndodhë – pra, duhet të merret me atë që ka gjasë të ndodhë si mundësi dhe nevojë. Ndryshimi mes historianit dhe poetit nuk është fakti se përdorin vargun apo prozën: veprat e Herodotit mund t’i kthejmë në vargje dhe do të mbetej histori në vargje, njësoj si në prozë. Ndryshimi është se historiani dëften çfarë ka ndodhur në të vërtetë, kurse poeti rrëfen ato që duhet të ndodhin. Prandaj dhe poezia është më filozofike dhe më serioze se historia. Poezia shqipton të vërtetat universale, historia ndërton formulime specifike të natyrës vetjake. Të vërtetat universale merren me atë që do t’i sillte begati personit dhe të cilën do ta thoshte apo do ta bënte në përputhje me mundësinë dhe nevojën e tij.