PSIKOLOGJIA SOCIALE

Përshkrimi

Ky libër është një përpjekje për të plotësuar nevojën për informacion aktual e të kompletuar socialpsikologjik dhe për një kontribut shqiptar në këtë fushë. Pas shumë spekullimeve mbi shpirtin, trurin, zemrën, njerëzit përpunuan konceptin e psikikës. Mbi këtë bazë ndërtuan shkencën e psikologjisë. Zhvillimi i mendimit njerëzor arriti kulme në shpjegimin e sjelljeve shoqërore. Mendimi, emocioni dhe sjellja e njeriut zbërthehen e analizohen në shumë degë psikologjike, por më e madhja prej tyre dhe më aktualja, vazhdon të jetë qysh prej një shekulli, psikologjia sociale. Shpjegimi i sjelljeve të individit dhe shoqërisë vazhdon të tërheqë vëmendjen e psikologëve të shquar socialë në gjithë kohë. Psikologët shqiptarë duke përfaqësuar në këtë fushë kulturën dhe nivelin e zhvillimit shqiptar në përgjithësi, kanë nisur të kontribuojnë gjerësisht në fondin e përgjithshëm të shkencës sociopsikologjike. Sidoqoftë, fjala e fundit thuhet në fund, pasi lexuesi ta lexojë librin. . .