RRUGA E GJATË PËR NË SHTËPI

Përshkrimi

Herën e dytë gjithçka u zhvillua ndryshe. Pasioni i tyre nuk u shua aspak dhe nuk e humbi forcën, por nëse herën e parë të kujtonte flakën e vrullshme e të ndritshme të një fishekzjarri, tashmë ajo ishte një flakë e shtruar dhe e fuqishme, në sprovën e së cilës kaliteshin e shkriheshin ngadalë trupat e tyre, kurse shpirtrat shndërroheshin në një të vetëm. Atyre iu duk sikur kishte kaluar një jetë e terë gjatë së cilës kishin shkëmyer dhuratat më të çmueshme, ëmbëlsinë e të cilave Gabriela as që mund ta imagjinonte. E tëra ishte diçka e paharrueshme, magjiplotë, e mahnitshme dhe e re. Gabriela, pa dashje, mendoi se Xho ishte pikërisht princi i përrallës, i cili e kishte zgjuar atë, princeshën e fjetur, e me të puthurat e tij ia kishte hapur botën e vërtetë që ishte më e mrekullueshme se çdo magji.