Sekretari Intim

Përshkrimi

nga George Sand #Roman; #Klasikët Përktheu: Vladimir Bako Nr i faqeve: 230 Përshkrim i shkurtër “Sekretari Intim” është në thelb i lidhur me aventurën parisiane dhe veneciane të Zhorzh Sandit dhe Alfred dë Mysesë, gjatë viteve 1833 dhe 1834, kur edhe ngjizet romani. Intimiteti i tyre letrar është i ngushtë, shkëmbejnë ide, dorëshkrime, konspekte, punojnë krah për krah, duke lexuar së bashku Hofmanin, ndikimi i të cilit mbi “Sekretarin Intim” është i dallueshëm. Por “Ekzistojnë dy qenie brenda Mysesë: njëra e vetëkënaqur dhe plot sharm, tjetra xheloze, idhnake, e rrëmbyer”, vëren Pjer Salomoni, njëri nga biografët më të hollë të Zhorzh Sandit. Romancierja, si princesha Kavalkanti në “Sekretari Intim”, do të dëshironte t’i shihte miqtë e vet tolerantë. Xhelozia i udhëheq këta në dyshimet më të pamendta. Një grua mund të nxjerrë në pah pamje të jashtme mendjelehta e plot serbesllëk, duke mbetur e panjollë. “Sekretari Intim” është një piketë e rëndësishme në mendësinë feministe të Zhorzh Sandit. Ajo ngrihet kundër një xhelozie tiranike dhe të padrejtë, të cilën do ta ndeshë edhe një herë tjetër me Shopenin, tipi i princit Karol te vepra “Lukrecia Florani”. “Sekretari Intim” reflekton tonalitetet veneciane, të pasura me pasione, muzikë dhe sensualitet. Në oborrin e Kuintilia Kavalkantit, ku zhvillohet Balloja Entomologjike dhe në personazhin stendalian të Sen-Zhylienit, “sekretarit intim”, mishërohen në mënyrë romaneske dramat e dashurisë dhe xhelozisë.