Sekreti i fytyrës sime

Përshkrimi

Do të bie të fle e shëmtuar dhe do të zgjohem e bukur! Është viti 1930. Dublini paraqet dy botë: një fermë të zymtë malore që fare mirë mund të qëndronte edhe në shekullin XVI dhe botën e pasur të kirurgëve me shtëpitë e tyre madhështore në lagjet prestigjioze të Dublinit. Katërmbëdhjetëvjeçarja Veronika jeton në fermën jashtë Dublinit me babanë dhe vëllanë e saj; nëna i ka vdekur. Jeta e saj rrotullohet rreth fytyrës së shfytyruar nga buza dhe qiellza e çarë, që e kanë bërë të izoluar, naive dhe gati memece. Një mjek i ri do shfaqet në fermë. Doktor Geraghty, nga i cili ajo do dëgjojë për herë të parë për mundësinë e një operacioni, që do e ndryshonte. Veronika, që deri më tani kishte kaluar një jetë të qetë dhe pa trazime, magjepset nga fjalët e doktorit të ri. I ati është kundër ndërhyrjes kirurgjikale në fytyrë, ndaj katërmbëdhjetëvjeçarja pikëllohet jashtë mase, por pa ngurruar i kthen atij shpinën dhe e gjen veten të katapultuar në shtëpinë e xhaxhait dhe të tetos që janë kushërinjtë e pasur të Dublinit, të cilët do e presin krahëhapur. Nën kujdesin e tyre, ajo lulëzon si fizikisht ashtu dhe emocionalisht, duke pritur me padurim ndërhyrjen kirurgjikale, që do të shënojë fillimin e jetës së saj. Ndërkohë, një botë e re hapet para saj! Veronika transferohet në një jetë me kapele të bukura, me përvoja të reja dhe me planin për të bërë operacionin që do t’i rindërtojë fytyrën, pavarësisht nga kundërshtimi i babait të saj. Por naiviteti i saj nuk i qëndron dot asaj shoqërie të sofistikuar, ndaj ajo fillon të luajë një lojë të rrezikshme…