Sekreti i Helenes – Dituria

Përshkrimi

Një shtëpi magjike. Dashuri dhe sekrete nën diellin e nxehtë të Qipros. Thonë se kush qëndron në “Pandora” do të bjerë në dashuri. Kanë kaluar më shumë se njëzet vjet qëkur Helena, atëherë pesëmbëdhjetë vjeçe, kaloi një verë të paharrueshme në ishullin e Qipros. Një vend i mahnitshëm, i rrethuar nga parcela të mëdha me ullinj dhe një det ngjyrë smeraldi, ku Helena ra në dashuri për herë të parë. Pas një karriere si balerinë klasike, ajo tani jeton në Londër me bashkëshortin Uilliam dhe tre fëmijët dhe, sigurisht, nuk i shkon nëpër mend se kumbari i saj, pas vdekjes, i ka lënë si trashëgimi “Pandorën”, një shtëpi madhështore dhe e mrekullueshme, që ngrihet në kodrat qipriote. Helena nuk i bën dot ballë tundimit për t’u kthyer në ishull me familjen, edhe pse e di se sekretet e shumta që ruan ai vend, ashtu si kutia e Pandorës në legjendë, mund të shkaktojë një stuhi mbi të gjithë. Dhe sidomos mbi djalin e saj trembëdhjetëvjeçar Aleksin, i ndjeshëm dhe rebel, për të kaluarën e të cilit gjithmonë ka heshtur… REVIEWS … Se ka gjithfarëlloj dashurish dhe se vjen në forma e mënyra të ndryshme. Mund të fitohet, por nuk mund të paguhet për ta pasur. Mund të dhurohet, por kurrë s’mund të blihet. Dhe kur zë vend një herë, qëndron aty, e fortë. Kjo puna e dashurisë! “Riley ka shkruar një tjetër sagë familjare me dramë të ndërlikuar, bindëse, emocionuese… Një ngjarje e shkruar me stil dhe e pasuruar me histori… një libër që do t’i kënaqë si dashamirët e romancës, edhe ata të romaneve historike”. – Library Journal Riley shkruan me mprehtësi dhe ndjeshmëri… një histori mahnitëse e kohës sonë nga një mjeshtre e rrëfimit”. – Lancashire Evening Post