Shkelja e kurores

Përshkrimi

Përballja me rutinën dhe kërkimi i pasionit të humbur “A ia vlen të jetohet një jetë pa dashuri?!” Kjo është pyetja që mundon Lindën, protagonistet e romanit “Shkelja e kurores” nga mjeshtri Paulo Coelho. Ajo është 31 vjeç dhe në sytë e të gjithëve jeta e saj është e përsosur. Banon në Zvicër, në një nga vendet më të sigurta të botës, ka një martesë të fortë dhe të qëndrueshme me një burrë që e do shumë, fëmijë të mbarë dhe një punë prestigjioze si gazetare në një të përditshme të rëndësishme. Megjithatë, pas kësaj fasade suksesi, Lindës fillon t’i rëndojë rutina mbytëse dhe njëtrajtshmëria e ditëve që ikin pa kuptim. E mundon thellësisht përpjekja për t’u shtirur e lumtur kur, në të vërtetë, ndihet e plogësht dhe e pamotivuar. Gjithçka ndryshon rrënjësisht kur ajo takon ish-të dashurin e rinisë së hershme, Jakobin. Gjatë një interviste, Jakobi, tashmë një politikan i suksesshëm dhe me ndikim, bën që të zgjohet brenda saj diçka që kishte kohë që e kishte harruar: pasionin e egër dhe të pakontrolluar. Pas këtij takimi, ajo është e gatshme të bëjë gjithçka për të fituar këtë dashuri të pamundur, duke rrezikuar gjithë stabilitetin që ka ndërtuar. Lindës do t’i duhet të zbresë deri në fund të pusit të ndjenjave njerëzore, të përballet me tradhtinë, fajin dhe dëshirën, për të gjetur përfundimisht paqe me vetveten dhe për të kuptuar çfarë do të thotë të jesh vërtet e gjallë.