Shtëpi kukulle

Përshkrimi

Ne dramën “Shtëpi kukulle” pronar legjitim i shtëpisë është një bashkëshort , një baba dhe një qytetar shembullor. Në shtëpinë e tij të vogël me tre femijët dhe gruan ne shohim strehën e ëmbël familjare, familjen e lumtur e të përkryer. Nora jeton e lumtur e sigurtë se i ka realizuar me të vërtetë të gjitha ëndrrat e saj si për të qenë bashkëshorte dhe nënë ideale, për të pasur një bashkëshort ideal i cili në disa raste do mund të jepte edhe jetën për të shpëtuar nderin e saj. Kur bashkëshorti i saj duhet të bënte një udhëtim të domosdoshëm për shëndetin e tij ajo mori disa para borxh pa i thënë askujt dhe as vetë Helmerit, ky ishte gabimi i saj i parë. Pasi kaloi kjo periudhë Helmeri u ngrit në detyrë si drejtor ne bankën ku punonte. Pikërisht në kohën kur ajo mendonte se bashkëshorti do ta mbështeste dhe kur ëndërronte për atë burrin që do të jepte dhe jetën për Norën ai vjen i nxehur me lajmin e së vërtetës e i flet shumë ashpër duke e fyer sepse ajo po e turpëronte sepse atij i rrezikohej karriera. Kur e sheh veten jashtë rrezikut ai kthehet sërish në atë bashkëshortin e ëmbël dhe ledhtor me gruan e vet që për të ishte si një kukull. Por Nora ka vendosur të largohet dhe të lërë gjithçka pas. Më në fund ajo e kuptoi se gjatë gjithë jetës së saj ishte trajtuar si një lodër, në fillim nga babai e më pas nga burri i saj. Ajo u tregua shumë e guximshme dhe po i tregonte të gjithve se ajo ishte e aftë t’i dilte për zot vetes dhe t’i bënte ballë jetës e vetme.